Persons, oh Persons.

Wala na atang mas bibigat pa sa 1st sem ng isang freshman law student ng anumang institusyon, marahil dahil sa isang subject na 5-units, oh sa iba, 4, ang Persons and Family relations, o simpleng Persons.

.

Kanina kami unang nagharap ng aming propesora sa Persons. Nakakatuwa siya, sa totoo lang. Hindi maikakaila na magaling siya pati na rin sa pagporma. Pagpasok pa lamang niya, kasama ang kanyang anak (ang cute, naka-upo sa isang gilid), isang magandang pagbati ang aming narinig mula sa kanya, "Hello class, this is 1F right? So what are the facts of Tanada vs Tuvera case?"

.

Whoa. Teka. Ano daw? Good evening?

.

Tinginan kaming mga estudyante, kasabay pa ng kanyang pagsabi, "Okay, since the assignment was given 2 weeks ago, keep all your books, only handwritten notes can be read".

.

Wow, ano ba to? Bakit ganito, welcome na welcome ata kami. Isa-isa nang tinawag ang mga estudyante gamit ang mga class cards. Sa tamang hinala, walang sinuman ang nakasagot ng mga FACTS NG KASO NINA TANADA at TUVERA. Marahil dahil naging abala kami, sa pagmememorya ng mismong mga articles, hindi ang mga kasong nakapaloob sa bawat isa.

.

Kung tutuusin, 3 oras pala ito! AHHHHHHHHHHHH! Iyon na ata ang pinakamatagal na 3 oras ng buhay ko.

.

...Dumaan ang 1 oras, nasa Article 3 pa rin kami ng Civil Code, na malayong malayo pa sa Article 36, o ang buong preliminary title ng Civil Code.

.

...sa aking isip, "Lord, ang tagal naman ng 9:30pm"... At dumating ang 9pm...

.

"Okay, you don't know the answer? Maybe you know how to lead the prayer?"

.

Teka, tama ba 'yung narinig ko? Prayer? Tapos na? YEHEY NAKA-SURVIVE!!! :) Daig ko pa yata ang nanalo sa lotto eh. :) Thank you, Lord!!! Hindi ako natawag! :)

.

...Kung iisipin, talagang mahirap mag-adjust. Lalo na sa unang pagkakataon na magkita kayo ng inyong guro. Well ngayon, at least, alam na ng klase namin ang estilo ng propesor, makakapaghanda na sa susunod at malamang ay mapigilan na ang pag-ulan ng 50 sa recitation. Hay. Nakakapagod itong araw na 'to.

.

Makapagpahinga nga muna. :)